Noverint universi quod nos Iacobus Bellera et Anthonia Bellera eius uxor, habitatoris loci de la Burci, comittatus pallariensis, gratis et /2 ex certa nostri sciencia, de consensu et voluntate dicti viri mei vendimus, et ex causa huiusmodi vendicionis, concedimus et tradimus vobis honorabilis Anthonio /3 Boix, minori dierum, mercator ville Tirvie, presenti et vestris ac quibus volueritis perpetuo, quandam vineam nostram, sitam et positam in termino [dicti] /4 loci de la Burci, loco vocato Amontonis; confrontat ex una parte cum vinea Bertrandi Tirvio, ex alia parte cum vinea Anthoni Coter, ex alia parte /5 cum Mallol de Corts et ex alia parte ad quodam nemore sive comunale, ffrancham et quitiam ab omni prestacione census; hanc autem vendicio- /6 -nem et ex causa huiusmodi vendicionis, concessionem ffacimus vobis dicto emptori et vestris cum introhitibus, exitibus, iuribus et pertinenciis eiusdem /7 pure, libere et absolute sicut melius et utilius dici potest, scribi, intelligi aut etiam nominari ad vestrum et vestrorum salvamentum, comodum, sanum, bonum et /8 sincerum intellectum, et extrahimus predictam vineam de omni iure, dominio, posse, possessione et proprietate (espai ratllat) nostri et nostrorum eademque in vestrum /9 vestrorumque ius, dominium et posse mittimus et transfferimus irrevocabiliter pleno iure ad habendum, tenedum omnique tempore paciffice possidendum /10 et ad omnem vestram vestrorumque voluntatem inde libere faciendam sine contradiccione et impedimento nostri et nostrorum et alterius cuiuscumque persone, /11 et promittimus vobis tradere, vobis vel cui volueritis loco vestri, corporalem possessionem seu quasi, predictorum que vobis vendimus, et in ea vos et /12 vestros facere iure pociores; preterea ex causa huiusmodi vendicionis damus, cedimus, transfferimus et transportamus vobis et vestris ac quibus /13 volueritis perpetuo, omnia iura omnesque acciones nostras reales et personales, mixtas, utiles et directas, ordinarias et extra ordinarias et alias /14 quascumque nobis et nostris pertinentes et pertinencia ach pertinere debentes et debentia in predictis que vobis et vestris vendimus et contra /15 quascumque personas et in quibuscumque bonis, racione et occasione predictorum, quibus iuribus et accionibus supradictis possitis vos et vestri et quos /16 volueritis uti agere et experiri agendo scilicet et respondendo, deffendendo, excipiendo, proponendo et replicando et omnia alia faciendo /17 in iudicio et extra iudicium quecumque et quemadmodum nos facere poteramus ante huius vendicionem, iurium et accionum cessionem /18 et possemus nunch et eciam postea, quandocumque nos enim ffacimus et constituimus vos et vestros in hiis, dominos et procuratores ut in rem vestram /19 propriam ad faciendum inde vestre libitum voluntatis pro precio vero, predictorum que vobis vendimus, dedistis et solvistis nobis et con- /20 -ffitemur nos a vobis habuisse et recepisse duodecim libras barchinonensium, et ideo renunciando excepcioni peccunie predicte non numerate, non habite /21 et non recepte, et precii predicti non habiti et non recepti et legi que subvenitur deceptis ultra dimidiam iusti precii et excepcioni et doli /22 mali et accioni in factum et omni alii iuri, racioni et consuetudini contra hec repugnantibus, dando et remittendo vobis et vestris ac quibus /23 volueritis perpetuo, donacione pura, perfecta, simplici et irrevocabili que dicitur inter vivos; siquid predicta que vobis et vestris vendimus /24 plus modo valent aut a modo valebunt precio supradicto, in super convenimus et bona fide promittimus vobis, quod predicta que vobis et vestris vendimus, /25 ffaciemus vos et vestros et quos volueritis habere, tenere et in sana pace perpetuo possidere contra omnes personas, quodque tenebimur vobis /26 et vestris et quibus volueritis perpetuo semper, de firma et legali eviccione et legittima deffencione eiusdem, et de restitucione omnium et  /27 singulorum dampnorum et missionum littis et extra; super quibus missionibus et dampnis predictis [credamini] vos et vestri solo simplici verbo /28 vestro et vestrorum nulloque alio probacionum genere requisito. Et pro predictis omnibus et singulis complendis et firmiter attendendis, te- /29 -nendis et inviolabiliter observandis, obligamus vobis et vestris omnia et singula bona nostra et utriusque nostrum in solidum mobilia et inmobilia /30 ubique sint habita et habenda, renunciantes quantum ad hec ex certa sciencia, benefficio novarum constitucionum et dividendorum accionum, epistole divi /31 Adriani et consuetudini Barchinone loquenti de duobus vel pluribus in solidum obligantibus et omni alii iuri, racioni et consuetudini contra hec venientibus, /32 et specialiter ego dicta Anthonia, cerciorata ad plenum de iuribus meis per notarium infrascriptum, renuncio quantum ad hec, gratis et ex certa sciencia, /33 benefficio velleyani senatus consulti et autentice, si qua mulier · C · ad velleyanum et doti et sponsalicio meis ac omni alii legi, iuri, racioni /34 et consuetudini contra hec repugnantibus; et ut predicta omnia et singula maiori gaudeant firmitate, iuramus sponte per Dominum Deum /35 et eius sancta quatuor evangelia manibus nostris corporaliter tacta, predicta omnia et singula attendere et complere, tenere et inviola- /36 -biliter observare et in aliquo non contrafacere vel venire aliquo iure, causa vel etiam racione. Actum est hoc in villa Tirvie, octava /37 die mensis madii, anno a Nativitatis Domini millesimo quadringentesimo septuagesimo secundo. S(++)na nostrum Iacobi Bellera et Antho- /38 -nie Bellera eius uxoris, venditorum predictorum, qui hec laudamus, firmamus et iuramus.

/39 Testes huius rey sunt Petrus lo Sartre, ville Tirvie et Raymundus Vidal, loci de Montusclat.

/40 Sig (Signe) num mei Iacobi de Graells, notarii publici ville Tirvie, Cumbe et Vallis Fferrarie, auctoritate honorabilis Anthonii /41 Aguillar dicte ville, eidem atributa per illustrissimum dominum principem Navarre, comitem Ffuxi, Bigorre et /42 vicecomitem Castriboni, qui hoc instrumentum recepi scripsique et requisitus clausi.

 

Sit omnibus notum quod nos Iacobus Bellera et Anthonia Bellera eius uxor, habitatoris loci de la Burci, comitatus Pallariensis, gratis /2 et ex certa nostris sciencia, confitemur et in veritate recognoscimus vobis honorabilis Anthonio Boix, minori dierum, mercatori ville Tirvie /3 presenti et vestris ac quibus volueritis perpetuo, quod dedistis, solvistis et tradidistis nobis et confitemur nos a vobis habuisse et recepisse numerando, /4  omnes illas duodecim libras barchinonensis, precio quarum seu pro quibus nos vendidimus vobis et vestris ac quibus volueritis perpetuo, quandam vineam /5 nostram sitam et positam in termino dicti loci de la Burci, loco vocato Amontonis, confrontat prout in instrumento dicte vendicionis die presenti, paulo ante /6 istud confecto et per notarium publicum infrascriptum recepto, hec et alia lacius exarantur, et quia dedistis duodecim libris sumus bene vestri pac- /7 -catus pariter et contentus; et ideo renunciando excepcioni peccunie predicte non numerate, non habite et non recepte et doli, ffacimus vobis de predictis /8 duodecim libris nobis ut predicitur per solutis, presentem apocham de recepto et pactum ad finem perpetuum, de ulterius non petendo et de non agendo, /9 solempni stipulacione vallatum. Actum est hoc in villa Tirvie, octava die mensis madii, anno a Nativitatis Domini millesimo quadringente- /10 -simo septuagesimo secundo. S(++)na nostrum Iacobi Bellera et Anthonie Bellera eius uxoris, predictorum qui hec laudamus, firmamus et iuramus.

/11 Testes huius rey sunt Petrus lo Sartre, ville Tirvie et Raymundus Vidal, loci de Montusclat.

/12 Sig (Signe) num mei Iacobi de Graells, notarii publici ville Tirvie, Cumbe et Vallis Fferrarie, auctoritate honorabilis Anthonii /13 Aguillar dicte ville, eidem atributa per illustrissimum dominum principem Navarre, comitem Ffuxi, Bigorre et /14 vicecomitem Castriboni, qui hoc instrumentum recepi scripsique et requisitus clausi.

 

En verso del pergamí : escrit en diferents sentits i diferents grafíes. De la més antiga a la més moderna.